‘પતિ, પત્ની ઔર વૉ, વૉ બોલેતો છોટા બચ્ચાં!..TV Reality Show કે બચપણ પર દમન!!
હમણાં ઈન્ડિયા ટીવી ઈમેજીંગ પર ‘પતિ, પત્ની ઔર વો’ નામનો રિયાલીટિ શો ના નામે ઈન્ડિયા ટીવીએ તેની ઈમેજ પ્રમાણેનું ઔર એક ગતકડું માત્ર ને માત્ર ટીઆરપી વધારવા માટે ચાલુ કર્યો છે. આ રિયાલીટી શૉ નું ટાઈટલ નામ જોઈને રખેને માનતા કે ‘વૉ’ એટલે પત્ની ની શૌક્ય કે સૌતન! નહીં, મિત્રો ‘વૉ’ એટલે ‘બાળક’! અને તે પન શૉ માટે ભાડે લાવવામાં આવેલ! બિચારા નિર્દોષ બાળકનો આમાં શું દોષ ?!
આ શો શું કહેવા માંગે છે?! ચાલો સમજીએ કે ‘સચ કા સામના’ વ્યકિતને સાચું બોલાવીને કદી ન ખુલ્યાં હોય તેવા અંગત જિંદગીના પ્રકરણો ખોલે છે, ‘ખતરો કે ખિલાડી’ હિંમત, સાહસ અને શોર્ય જે છુપાયેલ છે તે બહાર લાવે છે, ખુબ જ સુંદર અને ટેણીયા એન્કર દ્રારા સંચાલન થતો અને નાનકડાં સૂરનાં નવા – નવા સ્ટાર હીરા શોધીને સીંગરો આપનાર ઝી ટીવી નો ‘ લિટલ ચેપ્સ’ આ બધા જ સૌને ગમે અને પૂરેપૂરૂ મનોરંજન પિરસ્તાં રિયાલીટી શૉ છે. રિયલ રિયાલીટી શૉ! પણ આ ઈન્ડિયા ટીવી આ શૉ દ્વારા શું મનોરંજન પિરસ્વા માંગે છે તે કંઈ ખબર પડતી નથી. ‘સ્વંયવર’ માં તો જાણે સમજ્યાં કે ભાઈ રાખીબેન(આપણાં મિત્ર માર્કડ દવે સાહેબ તો રાખી સાંવત માટે વિશેષ વિશેષણ વાપર્યું છે ‘બિલાડીના બળેલાં મોંઢા વાળી’) ને મૂરતિયો શોધવો હતો.પરંતુ આ શૉ માત્ર ને માત્ર એમ બતાવવા જઈ રહ્યો છે કે કંઈ રીતે આ શેલિબ્રેટિઓ બાળકને સંભાળે છે! અરે, ભાઈ આ બુદ્ધિનું દેવાળું ફૂંકવા જેવું છે. આઈલા, આ તો માતા બનવા માટે અને બાળકની સંભાળ રાખવા માટેની ટ્રેનિંગ આપતો શૉ! (આ શૉ જોઈ કદાચ લોકો ‘માતા બનવા અને બાળકની સંભાળ માટેના ટ્રેનિંગ’ સેન્ટર ઊભાં કરીને નવો ધંધો ચાલુ કરે તો નવાઈ નહીં!) દુનિયામાં કંઈ સ્ત્રી છે કે માતા બનવા માટે તેને ટ્રેનિંગ લેવી પડે?!
ખેર, ઈન્ડિયા ટીવી આવા ગતકડાં સિવાય નોંધનીય (સિવાય કે શકિત કપૂરનું સ્ટીંગ ઓપ્રેશન)કંઈ અત્યાર સુધીમાં ઊકાળ્યું નથી. પરંતુ આ શૉ માં આ બધી વાતોથી બેખબર નિર્દોષ નાનકડાં બાળકોને સૌથી વધુ ભોગવવાનું છે. કેમકે સૌ પ્રથમ જ (આ શૉના મારે પણ કમને જોવા પડયાં આ લેખ લખવા માટે, અને હૈયુ રડી પડયું)જે બાળક રાખી સાંવંતને આપવામાં આવ્યું (આમાં રાખી ને પ્રેગનેટ થતી દર્શાવી છે, બોલો લગ્નના એક જ મહિનામાં નવ મહિનાની પ્રેગ્ન્નસી!!)તે બાળક જયહિંદ એટલો રડતો હતો કે ન પૂછો વાત અને છતાં રાખી આ રડતાં બાળકના મોંઢામાં ચમચીથી વારંવાર દૂધ અને કંઈક પરાણે નાંખવાનો વારંવાર પ્રયત્ન કરતી હતી, તે જોઈને હું તો દંગ થઈ જ ગયો પણ તે બાળકના માતા-પિતા પણ વ્યથિત થઈ ને રડી પડયાં, તેમને તેમની ભૂલ સમજાતાં બાળકને લઈ ગયાં!
લગ્ન કરીને સંતાન પેદા કરવા તેની સારસંભાળ લેવી તે એક રૂટિન વર્ક છે, તેમાં ટ્રેનિંગ કે કોમ્પીટેશન રાખવી અને કોણ બાળકને અને તે પણ પંડ પીડાથી પેદા કરેલાં નહીં પણ અન્ય માતાપિતાના સંતાનને લોકો ને મનોરંજન પૂરૂ પાડવા માટે થઈને ભાડે લઈને પ્રદર્શન કરવું, તે પણ એવા બાળક કે જેને તેની મરજી-નામરજી જણાવી શકે તેમ નથી, તે એક અત્યાચાર અને અમાનૂષી કૃત્ય છે, અત્યાચાર છે! બાળકના રુંદનમાંથી પાશવી આનંદ મેળવવાનો?! બાળક નો જન્મ થાય ત્યારથી જ તે તેના લોહીનો સંબંધ ધરાવતા માતા-પિતાને સ્પર્સથી કે આવાજથી ઓળખતો થઈ જાય છે, માતા ના હાથને અને પારકાં ના હાથને સારી રીતે ઓળખવાની તેનામાં જન્મજાત કુદરતી શકિત હોય છે તે આપણે સૌ (અને આ પૈસા માટે થઈને બાળકો આપનારા) સારી રીતે વાકેફ છીએ. બાળક ભગવાનનું સ્વરૂપ છે અને તેની બાળ લીલા ની એક એક પળ અને ક્ષણ અવિસ્મરણીય અને કૌતુક જન્માવનારી કે આનંદ આપનારી હોય છે. માટે જ શ્રીકૃષ્ણ ભગવાનને પણ સૌથી તેમનું પ્રિય સ્વરૂપ બાળ લીલા જ હતી! જે આ બાળ લીલા નૈસર્ગિક રીતે રોજિંદી ક્રિયાઓમાં બાળક તેના માતા-પિતાની સાથે રહીને તેના ઘરમાં કરે અને ૨૪કલાક મંડારાયેલા ટીવી ના કેમેરા આગળ અને તે પણ પોતાના અસલી માતા-પિતા વગર થોડીવાર માટે બની બેઠેલાં અજાણ્યાં વ્યકિતઓ સાથે જે બાળલીલા(બાલલીલા નહીં પરંતુ બાળકના નિસાસા અને આંક્ર્દ જ જોવા મળે છે) કરે તેમા જમીન – આસમાન નો ફરક?!
-અને મને જેની આશંકા હતી તે વાત સાચી પડી NCPCR( The National Commission for Protection of Child Rights)એ -બાળ સંરક્ષણ ખાતાંએ આ શૉ ને સીધી બંધ કરવાની અને કાં તો જવાબ આપવાની નૉટીશ ફટકારી છે. આ એક બાળકો પર અત્યાચાર અને દમન જ કહેવાય! તેના બાળપણ ને સરેઆમ તેના પર કલાકો સુધી ટીવીના કેમેરા રાખીને – પારકાં સાથે રાખીને, તેના માતા-પિતાથી કલાકો સુધી દૂર રાખીને, હજુ તો પાંગરતાં ફૂલ જેવા બાળપણ ને કચડી રહ્યાં છીએ!! તેમાં આ ઈન્ડિયા ટિવી ઈમેજીંગ જેટલાં જવાબદાર છે તેટલાં તે બાળકને આપનાર માતા-પિતાઓ, આ રિયાલિટી શૉ માં ભાગ લેનાર કન્સેપ્ટશનો અને આપણે મૂક બનીને આ તમાશો જોનારા એવાં દર્શકો -આ બધા જવાબદાર છીએ.
તેથી આપણી પણ એક દર્શક ફરજ છે કે આવાં ગતાકડાં અને મનોરંજન નિર્દોષ બાળકના બાળપણ ના ભોગે(માતા-પિતાની મરજી, પણ બાળકની!)તો ન ચલાવવા દો. તેનો પૂરજોશમાં વિરુદ્ધ કરો. આ શૉ માં ભાગ લેનારા રાખી સાવંત જેવા તો બાળક ન રહેતાં ખુલ્લેઆમ બોલે છે કે’મેરે કો બચ્ચા દિયા હૈ કે બંદર!’બાળક ટોઈલેટ કરે કે પેશાબ કરે તો સૂગ ચઢાવીને તેના કપડાં બદલવામાં આવે છે. તો પણ આપણાં પેટનું પાણી ન ડગે અને હજુ પણ આટલું ટીવી ના પડદે દેખાય છે બાકી પડદા પાછળ તે બાળકનું શું થતું હશે તે તો રામ હી જાણે?! બાળક ટોઈલેટ કરે કે પેશાબ કરે તો સૂગ ચઢાવીને તેના કપડાં બદલવામાં આવે છે. આ ભાગ લેનારા રાખી સાંવત જેવાને મારી તો ખુલ્લી સલાહ અને ઈન્ડિયા ટીવી ને ચેલેન્જ છે કે તમે રાખી અસલમાં પોતાના અંગત જીવનમાં પ્રેગ્નેટ બને ત્યારથી લઈને તેને ડિલેવરી થાય તે અને તે પોતાના બાળકને મોટો કરે ત્યાં સુધી તેનો રિયલ લાઈવ પ્રસારણ કરો તો ખરા! અને કદાચ તમારી ટીવી નો તો જ ટીઆરપી વધે પણ ખરો!(આવા શો AXN અને ડિસ્કવરિ પર બતાવવામાં આવે જ છે ને!) બાકી રાખીબેન અને બીજા ભાગ લેનારાઓને તો એટલું જ કહેવાનું કે તમે આ રીતે લાઈવ કંઈક તમારા પોતાના બાળકો પેદા કરીને બતાવો!
Read Full Post »