Feeds:
પોસ્ટો
ટિપ્પણીઓ

Posts Tagged ‘કાવ્યો’

Copy of KA2_039

હે હજાર હાથવાળા,
તે બે હાથવાળા સાથે હાથ મીલાવી દીધા કે શું ?!

-કેમકે,
તે આપેલું વચન “જયારે-જયારે ધર્મની ગ્લાનિ થશે
ત્યારે-ત્યારે અધર્મ ના નાશ માટે હું જન્મ ધારણ કરીશ… તે ભૂલ્યો કે શું ?

તું કયાં ગર્ભમાં છુપાયો છે ?

-કે પછી,
તારું વચન ‘જાડી ચામડી ‘ વાળાઓએ આપેલ વચનો ની જેમ ઠાલું વચન બનશે ?

કેમકે,
‘જાડી ચામડી’ વાળાઓની સાથે સાંઠગાંઠ રાખનારાઓ હંમેશા “જડ” બની જાય છે!!

-પ્રવિણ કે.શ્રીમાળી

(મારું આ કાવ્ય “હિન્દુ મિલન મંદિર ” માં જુન-૨૦૦૪ ના અંક માં છપાયેલ)

કાવ્યો

Read Full Post »


ચોથો વાંદરો

હવે એક ચોથો વાંદરો ઉમેરાયો છે
– તે ખરું ખોટું એક કાને થી સાંભળે ને બીજા કાને થી કાઢે છે
– તે ખરું ખોટું આંખો ફાડીને જુએ છે, તે બસ આંખો ફાડી ને જોતો જ રહે છે
ખરું ખોટું બોલવાનો તેનો વારો કદી આવતો જ નથી
– હા કદીક પાંચ વર્ષે એકદ વાર ચૂંટણીના ઢંઢેરાઓમાં,
કોક નાં નામના નારાઓ લગાવે છે…
… અને ચોકડી મારવાના ટાણે તેનું મોં,
– થોડા રુંપિયાની થોકડીઓ થી…
– દેશી દારુની થેલીએ…
– ભજીયાનાં પડીકે…
બંધ કરી દેવામાં આવે છે

ચોથા વાંદરા ને જોઈ, પેલાં ત્રણ ‘પશુ’ વાંદરાંઓ હશે છે

એક વાત કાનમાં કહું, કોઈ ને કહેતાં નહી !!

– આ ચોથો વાંદરો તે… ‘પ્રજા’!!!
– પ્રવિણ કે. શ્રીમાળી

Read Full Post »

ચાલ આપણે એકડો ઘૂંટીઍ

ચાલ આપણે એકડો ઘૂંટીઍ
આજે જિંદગી ના ભાવિ ને ઘૂંટીએ

રગદોળાયા છીએ જે ધૂળમાં
આજે તે માટી ની મહેંક ને ઘૂંટીએ

આંબલી-પીપળી રમતાં’તા સીમમાં
તે આંબલી ના ખટ્ટામીઠાં રસને ઘૂંટીએ

આગળ છે ઘણાં ચઢાવ ઉતાર
ભણતર – ગણતર સાથે અનુભવ ને ઘૂંટીએ

ચાલ આપણે એકડો ઘૂંટીઍ
આજે જિંદગી ના ભાવિ ને ઘૂંટીએ

– પ્રવિણ કે.શ્રીમાળી

(મારું આ કાવ્ય “સબળા શિક્ષણ” ના જુન-૨૦૦૫ નાં અંક માં છપાયેલ છે)

Read Full Post »

%d bloggers like this: