હાય રે આ મોંઘવારી! અબ તો રામ હી રાખે?..માઝા મુકતી મોઘવારી- જવાબદાર કોણ? -સરકાર કે આપણે?

strong>હાય રે આ મોંઘવારી! અબ તો રામ હી રાખે?..માઝા મુકતી મોઘવારી- જવાબદાર કોણ? -સરકાર કે આપણે?

વહેલી સવારે હું ડેરી પર દૂધની થેલી લેવા માટે ગયો, ત્યાં દુકાન વાળાં અને એક ગરીબ મજૂર વચ્ચે સવારના પહોરમાં રકજક ચાલતી હતી. દૂધની નાની થેલી કે જે હમણાં સુધી પાંચ રૂપિયે મળતી હતી તેમાં હવે બે રૂપિયા વધતાં આ બે રુપિયા મજૂર પાસે નહોતાં તે માંડ પાંચ રૂપિયા રાતના બચાવીને પોતાનાં નાના બાળક માટે દૂધ લાવવાં માટે રાખેલાં તે દૂધ ના બીજી સવારે સીધા સાત રૂપિયા થઈ જતાં, પેલાં ગરીબ મજૂરની હાલત કફોડી થઈ ગઈ, દરરોજ શેર લાવી ને શેર ખાતાં આ મજૂર માટે સવાર સવાર માં બે રૂપિયા લાવવાં દુષ્કર હતાં અને દુકાનવાળો પાંચ રૂપિયામાં થેલી આપવા તૈયાર નહોતો. તેને તે દિવસે તો મેં થેલી અપાવી દીધી, પરંતુ રાતે ન વધે તેટલી દિવસે વધે અને દિવસે નવધે તેટલી રાતે વધતી મોંઘવારી ની આ છે આછેરી ઝલક! આ વાત કહી આપે છે કે સામાન્ય મદયમવર્ગ અને કાળી મજૂરી કરી પેટીયું રળતો ગરીબ મજૂરીયાત વર્ગની તો આ મોંઘવારીએ કમ્મર જ તોડી નાંખી છે.

એક બાજુ મોંઘવારી એ માઝા મૂકી દીધી છે અને બીજી બાજુ નેતાઓ અને અભિનેતાઓ પોતાની રાજકીય ખીચડી પકવવા માટે એકબીજા સાથે વાકઃબાણો સામસામે છોડવાની રમત રમીને પ્રજાનું ધ્યાન મોંઘવારી પરથી ઊઠાવીને બીજી તરફ દોરી લઈ જવાની રમત રમી રહ્યાં છે. બંધારણ ની વિરુદ્ધ ના અને રાષ્ટ્રીય હિતોને સીધા જ છલની કરીને સરેઆમ કાનૂન ભંગ ની ધજીયા ઊડાંવતાં આ પ્રાંત, ભાષા વડે પોતાની ઘરની જાગીર હોય તેમ મારૂ કે અમારૂ અને બીજા માટે નિષેધ(?!)ની જે વાક યુદ્ધ ચલાવીને આ રાજકીય થર્ડ પાર્ટી અન્ય રાજકીય પક્ષ ની સાંઠગાંઠ થી આવું કરીને ભોળી પ્રજાનું ધ્યાન મોઘવારી ના વિવાદનો વંટૉળ ઊભો ન થાય તે માટે તેના પરથી ઊઠાવીને અન્ય વિવાદ ખડો કરીને તે તરફ લઈ જવા માંગે છે. અને અભિનેતા પોતાની આવનાર ફિલ્મ માટે પોતે જ વિવાદ ખડો કરીને તેની રજૂ થનાર ફિલ્મ માટે વધુ દર્શકો થિયેટર સુધી ખેંચી જઈને ફિલ્મને હિટ બનાવવા માંગે છે.બીજુ આમાં કંઈ નથી.

જો મોંઘવારી પર હાલથી જ સરકાર(રાજય અને કેન્દ્ર સરકાર)નો કંટ્રોલ નહીં રહે તો સમાજમાં ઘણી જ અફડા-તફડી મચી જશે જેની કલ્પના કરવી પણ દુષ્કર છે.અને ઘણા ભયંકર પરીણામ તેને લીધે ભોગવવા પડશે. મોંઘવારી તો હંમેશા વધ્તી આવી છે તેમાં કંઈ નવું નથી, પરંતુ માત્ર એકાએક એક બે મહિનામાં ડબલઘણો ભાવ થઈને આસમાને આંબતી મોંઘવારી જરૂર ચિંતા જનક વિષય છે.

મોંઘવારી નીચે સામાન્ય માણસ એક તરફ કચડાઈ રહ્યો છે તો બીજી તરફ જવાબદાર તંત્ર તેની જવાબદારીઓમાંથી છટકવા માંગે છે. રાજય સરકાર અને કેન્દ્ર સરકાર એકબીજા પર દોષારોપણ કરવામાં વ્યસ્ત છે અને કૃષિ પ્રધાન શ્રી તો પોતના હાથ ઊંચા કરી દીધા છે.ફરીયાદ કરવી તો કોણા પાસે?! મુખ્ય જરૂરીયાત વાળી ચીજ વસ્તુ જેવી કે ગુજરાતીઓનું મુખ્ય પીણું ચા માં વપરાતી ખાંડ અને દૂધના ભાવ એકાએક વધવાથી મહેમાન નવાજીનું આ પીણું એટલે કે ચા ની ચૂસ્કી આજે કડવી બની ગઈ છે. તેવી જ રીતે દાળ -ભાત અને ખીચડી ગુજરાતીઓનો મુખ્ય ખોરાક, તેમા પણ ધરખમ ભાવવધારો થતા તેનો કોળીયો સામાન્ય અને ગરીબ માણસના ગળાથી નીચે ગણી ગણી ને ઊતારવો પદે તેવી પરિસ્થિતી હાલમાં તો ઊભી થઈ છે.

આ પરિસ્થિતી માટે જેટલાં આપણાં શાસકો અને વૈપારીઓ છે તેટલાં જ આપણે પણ જવાદાર છીએ. કેમકે,ભારત દેશ ભલે આ કોમ્પ્યુટર યુગમાં આધુનિકતાની હોડમાં પ્રગતિના પંથે આગળ ધપતો દેખાય, પરંતુ હાલમાં પણ ભારતની આર્થિક પરીસ્થિતીનો મુખ્ય આધાર

મુખ્યપ્રદ્યાન શ્રીએ આ વદ્યતી જતી મોંઘવારી અને ફુગાવાને નાથવા માટે દરેક રાજયના મુખ્યમંત્રીઓની મીટીંગ બેાલાવી તે મીટીંગ માં શું પરીણામ આવ્યું તે આપણે સૌ જાણીએ છીએ અને તે જોતા લાગે છે કે આ લેાકેા કેટલા કારગત નીવડશે ?
અસહય ભાવવદ્યાારા માટે જેટલી સરકાર જવાબદાર છે તેટલાં જ આપણે પણ જવાબદાર છીએ. મુખ્યત્ત્વે ભારત ખેતી પ્રદ્યાન દેશ છે અને તેની અર્થિક સ્થિતી ખેતી પર આદ્યારીત છે. ભારતની સૌથી વદ્યુ પ્રજા ગાંંમડાંમાં રહે છે અને તેમનો મુખ્ય વ્યવસાય ખેતી જ છે અને તેના પર જ આખો પરીવાર નભતો હોય છે. પરંતુ હવે આ ખેતી લાયક જમીનો કે જે ફળદ્વૂપ છે અને બાપદાદાઓથી તેમાં દ્યાન્ય ઉંત્ત્પન્ન કરતાં આવ્યા છીએ તેના પર હવે બિલ્ડરો અને મોટા-ર્મોટાં કોન્ટકટારોનો ડોળો પડતાં આ જમીનો અને ખાસતો રોડ ટાચ જમીનો ના મોં બોલી રકમ આપીને આ જમીનો હડપી લઈને તેના પર મોટી બલ્ડીંગો અને શોંપિંગ સેન્ટરો બનાવતા ખેતીલાયક જમીનો ખેડૂતો ફટાફટ વેચી રહયાં છે. ખેતી લાયક ને બિન ખેતીલાયક બતાવીને તેના એન.એ. એન.ઓ.સી મેળવી લેવામાં આવે છે પરીણામ એ આવ્યું કે વસ્તી વદ્યારો થતો રહયો ખાનારા વદયા પણ તેની સામે ખેતીનું ઉત્ત્પાદન ઘટયું. પરીણામ અનાજ અને કઠોળના ભાવ વદ્યવાના જ ! હવે હાલમાં જ ઘઉંનો પણ ભાવ વદ્યારો તોળાઈ રહ્યો છે કેમકે જે ઘઉંનું ઉત્ત્પાદન ૫૩૦૦૦ હેકટર હતું તે ઘટીને માત્ર ૭૦૦૦ હેકટર થઈ ગયું છે પછી ઘઉં આયાત જ કરવાં પડેનેં ? હાલમાં ખાંડની આયાત કરવાની પારીસ્થિતી આને લીદ્યે અને ખરાબ મૌસમને આભારેેે છે.
સરકાર દ્યારે તો હાલમાં હજુ પણ ભાવવદ્યારા પર અંકુશ લગાવી શકે છે દા.ત. દેશમાં જ જે ખાંડનું ઉત્પાદન થાય છે, તે સામાન્ય રીતે ઘર વપરાશ માટે વેચવામાં આવે અને આયાત કરેલી ખાંડ મોટી મોટી કોકાકોલા, પેપ્સી જેવી ઠંડા પીણાંની બલ્ક કંપનીઓ કે જે વિદેશી છે તેનૅ ડ્યૂટી લગાવી ને આપી શકાય.
ખેડૂતભાઇઓએ તો ખાસ આ બાબત સમજવી જરૂરી છે કે તેઓની જમીન પોતાની મહેનતથી સોનું ઊગાડે તેવી બની શકે છે. વારસામાં મળેલી જમીન માં વળી ભાગલાં પેઢી દર પેઢી પડતાં રહેતાં અને તે રીતે જમીન ના ટૂકડાં થતાં રહેતાં હોવાથી ખેતી ના ઉત્પાદનમાં ખુબ જ અસર પડતી હોય છે. વળી રાતોરાત ધનવાન બનવાની લાલચે બિલ્ડરો અને કોન્ટ્રાકટરરની વાતોમાં આવીને બળદના કાંધા જેવી જમીનો આપી દેતા હેક્ટર દીઠ જમિનના ઉત્પાદન પર ઘણી અસર પડે છે.(વધુ હવે પછીના લેખમાં વાંચો…)